सजिलो छैन हिडेर अमेरिका पुग्न कतिकोत ज्यानै जान्छ बाटोमा

सजिलो छैन हिडेर अमेरिका पुग्न
 

म्याग्दी विम गाविसका एक यूवा विभिन्न देश हुदै चार महिनामा अमेरिका प्रवेश गरे । विभिन्न देशमा हप्तादिनसम्म भोकै दिन पैदलयात्रा, लुटपाट, बाटो अस्पष्ट लगाएत ज्यानै जोखिममा करिव ४० लाख खर्च गरेर अमेरिका प्रवेश गरेका पाईजा थरका ती यूवाले नेपालमा भनेजस्तो अमेरिका पुग्न सजिलो नरहेको बताए । ‘हामी धेरैपटक बाटोमै म¥यौ, धेरैपटक अर्को जन्म लिएर अमेरिका आईपुग्यौ’ पाईजाले बेनीअनलाइनलाई भने ।



त्रिभुवन विमानस्थलबाट पाईजा सहित १५ जना नेपाली यूवाहरू भारत, ब्राजिल, इथोपिया, बोलिभिया, पेरू, इक्वेडर, कम्बोडिया, पानामा, कोष्टारिका, हुन्डरस, ग्वाटेमाला, मेक्सिको हुदै अमेरिका प्रवेश गरेका थिए । १३ वटा राष्ट्रहरू हुदै अमेरिका पुग्ने क्रममा विभिन्न देशबाट समेत थपिने पाईजाले बताए । नेपालको विमानस्थलमै देखिने दललाहरूले भारत हुदै अमेरिकासम्मको सेटिङ मिलाउने क्रममा नेपालमा रहेका दलाल मार्फत पटकपटक पैसा बुझाएका थिए ।

भारतीय प्रहरीलाई समेत घुस खुवाएर ब्राजिल प्रवेश गरेपछि एरर्पोटमै पासर्पोट सहित ब्यक्तिगत विवरणहरू च्यातेर फालेपछि विमानस्थलमै पाँचदिनसम्म भोकै विताएर दलालको निर्देशन अनुसार यात्रा गरेको यूवाहरूको भनाई छ । ‘प्रहरीको पोशाक देखी जंगलमा भेटिएकाहरूले सबै लुट्ने रहेछन् । प्रतिकारको प्रयास गरेका धेरैको लास बाटोमै देखियो’ एक यूवाले भने । समुन्द्र, जंगल सहित अमेरिका जाने रुटहरूमा अपराधिक मानसीकता बोकेका यूवाहरूले मोवाईल सहित पैसा, शरीरमा लगाएको राम्रो लुगा समेत लैजाने गरेको नेपालीको भनाई छ ।
immigrants
अवैध रुपमा अमेरिका लैजाने हरेक देशमा दलाल रहेकाले रूटको पहिचान भएपनि एकहप्ता सम्म भोकै जंगलको यात्रा गर्ने क्रममा बाटोमै नेपाली सहित अन्य देशका नागरिकको मृत्यु समेत नजिकबाटै हेरेको यूवाहरुको भनाई छ । ‘यूद्धमा मेरेको विद्रोही भन्दा फरक देखिएन । हामीसंगै गएको एकजना भारतीय नागरिक भोकले म¥यो, त्यही छोडेर हिडियो’ एक म्याग्देलीले भने । कम्बोडिया र पानमाको सिमानामा ६ दिन जंगल र ५ दिन समुन्द्रको यात्राको क्रममा पुराना लासहरूको कंकाल र धेरै विरामी भएर बाटोमै अलपत्र परेको समेत देखिएको, केहीले मानसिक सन्तुलन समेत गुमाएको पिडादायी अवस्था देखेको यूवाहरूको भनाई छ ।

१५ जना भारतीय सहित ३० जनाको टोलीमध्ये एकजनाको मृत्यु र मेक्सिकोमा एक जनाले मानसीक सन्तुलन गुमाएको अवस्थामै छोडेर अमेरिका छिरेका थिए । ‘५० लाख पैसा सकिन्छ, त्यो भन्दा धेरै दुख अमेरिका प्रवेश गर्दा पाइन्छ’ अमेरिका पुगेपछि उनीहरुले अनुभव सुनाए । लाखौं खर्च र ज्यानै जोखिममा पारेर अमेरिका आएपछि समेत सहज नभएकाले यस्तो यात्रामा सहभागि नहुन समेत यूवाहरूको अनुरोध छ ।‘दलालले भनेजस्तो ५ प्रतिशत पनि यात्रा सहज छैन । अव जिन्दगी सकियो भन्ने धेरै समस्याको सामना गर्नुपर्छ’नाम नछाप्ने सर्तमा एक यूवाले बेनीनअनलाइनलाई भने ।

ज्यान जोखिममा राखेर महिनौ हिडेर अमेरिका आएपछि धेरै नेपालीले भनेजस्तो आर्कषक जागिर समेत नपाएर मानसिक सन्तुलन गुमानुका साथै
आत्महत्याको बाटो समेत रोजेको डरलाग्दो समस्या देखिएको यस्तो जोखिम नमोल्न समेत अनुरोध गरेका छन् । दललाले भनेजस्तो रकम नदिए विचबाटोमै अलपत्र छोड्ने, लुटेरा लगाएर लुट्ने गरेको समेत समेत बताए । मेक्सिकोबाट टेक्सास प्रवेश गरेपछि इमिग्रेसनको कानुनी उपचारबाट समेत नेपाली थप मारमा पर्ने गरेका छन् । ५० लाख दलाललाई बुझाएर पनि कानुनी प्रक्रियाका लागि थप रकम ब्यवस्था गरेर वकिल राख्नुपर्दा धेरै समस्या हुने गरेका यूवाको गुनासो छ ।

नेपालीहरू विचौलिया बनेर धेरै रकम वकिलका लागि ब्यवस्था गर्नुपर्ने बाध्यता रहेको छ । अमेरिका आउँदा भोगेका दुखहरू सुनाउँदा नपत्याउने गरेकाले पनि हरेकबर्ष धेरैले यो मार्ग रोज्ने गरेको उनीहरूको भनाई छ । ‘आफुँ अमेरिका पुगेर हामीलाई रोक्न खोज्यो सम्मको आरोप लगाउँछन्’ भकिम्लीका प्रेम सुबेदीले भने । उनले धेरै सपना लिएर अमेरिका आएकाहरूले यो जुनीमा सबैलाई थाँती राखेर अर्को जुनीमा पुरा गर्ने समेत प्रतिक्रिया दिने गरेको बताए । अमेरिकामा कार्डका लागि कानुनी लडाई लड्ने क्रममा समाचारमा नाम आए त्यसले असर गर्ने भन्दै धेरैले नाम तथा बास्तविकता समेत सार्वजनिक गर्न आनकानी गर्ने गरेकाले पनि समस्या जटिल बन्दै गइरहेको छ ।

महिलालाई सबैभन्दा जोखिम
पुरूषजस्तै महिला पनि हिडेर अमेरिका जान आर्कषित भइरहेको देखिएको छ । पुरुष सरह दलाललाई रकम बुझाएर अमेरिका जाने महिलाहरूलाई विभिन्न देशमा यौनजन्य हिंसाका साथै जंगल सहितका क्षेत्रमा त्यहाँका यूवाहरूले दुब्र्यवहार समेत गर्ने गरेको पाइएको छ । नेपाली सहित साक राष्ट्रका महिलाहरूलाई बाटोमा हिंसाको प्रयास सहित लुटपाट समेत हुने भएकाले पुरुषभन्दा दुईगुणा बढी महिला जोखिममा रहेको नेपालीको भनाई छ ।

‘लागुऔषध सहित अपराधिक समुह बस्ने ठाउँबाट समेत यात्रा गर्नुपर्छ । बाटोमा सुने अनुसार धेरै महिला हराउने गरेका छन’ एक यूवाले भने । बाटोमै बेपत्ता भएकाहरूका कानुनी खोजीकार्य सम्भव नभएको तथा दलालको समेत पहिचान नहुने भएकाले पनि यस्तो बाटोमा महिलालाई रोक्नुपर्नेमा उनीहरूको जोड छ ।
असहज यात्रा, विभिन्न देशका पुरुष विचमै सुत्नुपर्ने, यात्राको क्रममा भएका अवरोधको ब्यक्तिगत रुपमै सामना गनुपर्ने अवस्थामा महिलाहरूलाई समस्या देखिएको यूवाको भनाई छ । विषेशगरी ब्राजिल, नाइजेरिया हुदै विभिन्न देशका मार्गहरूमा यात्रा गर्नेहरूलाई त्यहाँका मानिसहरूले सेतो छाला भएका महिला प्रति आर्कषित हुने गरेका छन् । पछिल्लो समय पुराना नाकामा सुरक्षा सहित कडाई गरिएपछि यूवाहरू नाइजेरियाको मार्ग हुदै अमेरिका जाने गरेका छन् । कानुनी प्रक्रिया र त्यहाँ रहेका नेपालीले सहयोग नगरे नेपाल डिपोट समेत गर्ने गरिएको छ। हरिकृष्ण गौतम